दुनियादारी

दुनियादारी दुनियादारी हीच आमची रीत रे
चेहऱ्यावरच्या मुखवट्यावर लावू आम्ही स्मित रे

स्पष्टपणे देणार नाही कधीही नकार रे
काम मात्र करणार नाही आम्हीच ते हुश्शार रे

खोटे नाटे बोलायाला नाही आम्ही भीत रे
मनामध्ये द्वेष आणि ओठांवरती प्रीत रे

जनरीत म्हणती याला कोणी व्यवहार रे
सभ्यतेच्या बुरख्याखाली भरला की विखार रे

खोटी खोटी यारी आणि खोटा खोटा प्यार रे
पाठीमध्ये खंजीराचा करू आम्ही वार रे

गोड बोलून खोड मोडू किती आम्ही शूर रे
हीच आमची दुनियादारी बघा आम्ही थोर रे!